AGMK Antaliyadagi 2 haftalik yig'inni yakunladi

Olmaliqliklar Antaliya yig'ini doirasida 5ta nazorat o'yini o'tkazib, 2 g'alaba, 2 durang va 1 mag'lubiyat qayd etdi.

AGMK Qozog'iston premer ligasi jamoalari «Kaspiy» va «Atirau» ustidan g'alaba qozongan bo'lsa, Serbiyaning «Indjiya» va Latviyaning «Auda» jamoalari bilan durang o'ynadi. Faqatgina Rossiya jamoasi «Nefteximik» bilan bo'lgan jangovor bahsda (3:4) mag'lubiyatga uchradi.

Yig'in doirasidagi o'yinlarda Xurshid G'iyosov (3), Boake (2), Gadoev, Mishenko va Abdurazzoqov jamoamiz gollariga mualliflik qilishdi.

AGMK 20 fevral kuni Antaliya-Toshkent yo'nalishi orqali O'zbekistonga qaytadi va Superliganing dastlabki turi doirasidagi «Metallurg»ga qarshi o'yinga taraddudni poytaxtda davom ettiradi.

Manba: AGMK klubi matbuot xizmati