«Tottenxem» Keyn borasida «Man Siti»ning dahshatli taklifini rad etgan

«Tottenxem» hujumchisi Xarri Keyn 2021 yilning yozida «Manchester Siti»ga o'tishi mumkin edi. «Shaharliklar» 28 yoshli futbolchi uchun 150 million evrodan ko'proq pul taklif qilishgan, ammo «Tottenxem» rad javobini bergan. Bu haqda jurnalist Fabritsio Romano tvitterda xabar berdi.

Manbaga ko'ra, «Manchester Siti» Keyn uchun ikkita rasmiy taklif bilan chiqqan, ularning oxirgisi 150 million evro va turli bonuslarni o'z ichiga olgan bitim edi. «Shporlar» rahbariyati Xarrini sotishdan yana bosh tortgan.

Eslatib o'tamiz, Angliya Premer-ligasining 26-turi doirasidagi o'yinda Keyn «Manchester Siti» darvozasiga dubl qayd etib, jamoasiga g'alaba keltirdi.