«Liverpul» 2022 yilda hali mag'lub bo'lmadi

Angliya chempionatining 26-turida Yurgen Klopp boshchiligidagi «Liverpul» o'z maydonida «Norvich»ni mag'lub etdi – 3:1.

Bu «qizillar» uchun ketma-ket qo'lga kiritilgan sakkizinchi g'alabasi bo'ldi.

Mersisaydliklar shu yilning 13 yanvar kuni Angliya liga kubogi yarim finalida «Arsenal» bilan durang (0:0) qayd etgandi.

Shuningdek, «Liverpul»ning mag'lubiyatsiz seriyasi 11 o'yinga etdi. Klub yil boshidan hali biror marta ham imkoniyatni boy bermadi.

Ma'lumot o'rnida, Klopp shogirdlari 57 ochko bilan APL turnir jadvalida ikkinchi o'rinda bormoqda.