Yan Oblak “Atletiko”dan ketish haqida o'ylamoqda

Dunyoning eng yaxshi darvozabonlaridan biri hisoblangan Yan Oblak yozda “Atletiko”ni tark etishi mumkin. Bu haqda “todofichajes.com” nashri xabar bermoqda.

Sloveniyalik darvozabon “matraschilar”ning joriy mavsumda ko'rsatayotgan yomon o'yinlari sabab klubdan ketish haqida o'ylamoqda.
Manbaga ko'ra, posbonga Angliya Premer-ligasi va Italiya A seriyasi jamoalaridan taklif bor.  

Uning madridliklar bilan shartnomasi 2023 yilda yakuniga etadi va uni uzaytirish haqida o'ylamayapti.

Transfermarkt portali Oblakning narxini 120 million evroga baholagan. Lekin, “matraschilar” 70 millionlik taklif tushsa, Yan borasida o'ylab ko'rishini bildirgan.