«Bavariya» «Real» qiziqish bildirgan futbolchini nishonga oldi

«Ayaks» yarim himoyachisi Rayan Gravenberx «Bavariya» qiziqishlari doirasiga tushdi.

De Telegraaf nashri xabariga ko'ra, nemis klubi 19 yoshli futbolchini 25-30 million evroga sotib olishi mumkin.

Oldinroq gollandiyalik futbolchiga «Real» ham qiziqish bildirgani haqida xabarlar tarqalgan edi.

Ma'lumot o'rnida, Gravenberx joriy mavsumda «Ayaks» tarkibida 29 ta o'yinda maydonga tushib, 1 ta gol va 4 ta golli uzatmani amalga oshirdi. Uning bozor qiymati 35 million evroni tashkil qiladi.