Arteta: "Pepening qanday o'zgarganini bilmayman, o'zim ham hayronman"

«Arsenal» bosh murabbiyi Mikel Arteta hujumchi Nikolas Pepe haqida fikr bildirdi. Frantsiyalik futbolchi so'nggi paytlarda ancha o'zgardi. Ispaniyalik mutaxassis futbolchining o'z kasbiga bo'lgan munosabatining bunday keskin o'zgarishi sabablarini topa olmayapti.

“Hozir Nikolas Pepe butunlay boshqacha ko'rinishga ega. Uning xulq-atvori, tabassumi, hamma bilan muloqot qilish usuli, kuchi, mashg'ulotlardagi samaradorligi, ishtiyoqi, hammasi o'zgardi. Bu qanday sodir bo'lganini bilmayman. Menimcha, u yana «Arsenal» uchun muhimligini his qildi” - dedi Arteta.