«Milan» Ibrahimovichdan maoshini ikki baravardan ko'proqqa kamaytirishni so'radi

«Milan» 40 yoshli hujumchi Zlatan Ibrahimovich bilan yangi shartnoma imzolashga tayyor. Bu haqda Sportmediaset xabar tarqatdi.

"Rossoneri" shvetsiyalik futbolchiga bir yillik shartnoma taklif qildi. Bu taklif orqali klub Zlatan uch million evro yillik maosh taklif qildi. Shuningdek, g'alaba va gollar uchun qo'shimcha bonuslar ham taklif etilgan bo'lib, ular bilan maosh 5 milliongacha etishi mumkin.

Eslatib o'tamiz, Zlatanning hozirgi maoshi 7 million evroga teng. U Qatarda o'tadigan jahon chempionatida ishtirok etishni istamoqda. Buning uchun Shvetsiya saralashdan o'tib, Mundial yo'llanmasini qo'lga kiritishi kerak.