UEFA «Marsel»ga nisbatan ish ochdi

Evropa konferentsiyalar Ligasining 1/16 finali doirasida Frantsiyaning «Marsel» va Ozarbayjonning «Qorabog'» (3:1) jamoalari o'zaro bahs olib bordi.

UEFA «Qorabog'» bilan o'yinda mezbon jamoa tomonidan qoidabuzarliklar aniqlanganidan keyin «Marsel»ga qarshi ish ochdi.

Tashkilot rasmiy sayti xabariga ko'ra, tribunalarda taqiqlangan bannerning paydo bo'lishi, muxlislar tomonidan pirotexnika vositalaridan foydalanish va stadionlarda o'tish joylari to'sib qo'yilgani sababli «Marsel»ga nisbatan ish qo'zg'atilgan.

Ma'lum qilinishicha, bu ish bo'yicha qaror keyinroq chiqariladi. Jamoalar o'rtasidagi javob uchrashuvi kelasi payshanba kuni Ozarbayjonda bo'lib o'tadi.