Yaponiyalik 38 yoshli futbolchi klubi bilan amaldagi shartnomani 5 yilga uzaytirdi

Frankfurtning “Ayntraxt” klubi yarim himoyachi Makoto Xasebe bilan shartnomani uzaytirganini e'lon qildi.

38 yoshli yaponiyalik bilan yangi shartnoma 2027 yilgacha mo'ljallangan. Shu bilan birga, futbolchi 2022/23 yilgi mavsum oxirigacha jamoada o'ynaydi, shundan so'ng u futbolchilik faoliyatini yakunlaydi va murabbiylar shtabiga qo'shiladi.

Ma'lumot uchun, Xasebe 2014 yilning iyulidan beri "Ayntraxt"da o'ynab kelmoqda. 2021/22 yilgi mavsumda yaponiyalik futbolchi jamoa tarkibida 19 ta o'yin o'tkazgan.