«Milan» London klubidan futbolchi sotib oladi

«Milan» kelasi yozda «Tottenxem» vingeri Stiven Bergveynni sotib olishi mumkin. Calciomercato nashri xabariga ko'ra, gollandiyalik futbolchi «shporlar» bosh murabbiyi Antonio Kontening rejalariga kiritilmagan, shu bois u mavsum oxirida jamoani tark etishi mumkin.

Jamoalar o'rtasidagi muzokaralar hali boshlanmadi, biroq Bergveyn «Milan»ning yozgi mavsumdagi asosiy maqsadlaridan biri bo'lib turibdi. Sababi, gollandiyalik narx va sifat jihatidan Italiya klubiga ma'qul bo'lgan.

Eslatib o'tamiz, Bergveyn 2020 yilning qishida Gollandiyaning PSV jamoasidan «Tottenxem»ga o'tgan edi. Antonio Konte boshchiligida futbolchi asosiy tarkibda bor-yo'g'i ikkita uchrashuv o'tkazdi.