"Roma" futbolchisi jamoada qolmoqchi emas

"Roma" futbolchisi Nikolo Zanolo yozda jamoadan ketadi. Bu haqida uning agenti Klaudio Vigorelli ma'lum qildi.

Vigorellining so'zlaridan bu ma'noni anglash qiyin emas: "Nikoloning bitimini yangilash borasida hech qanday jarayonlar mavjud emas. Men buni hammaning oldida ochiq aytaman. Ayni damda uning e'tibori mavsumni A seriya hamda Konferensiyalar ligasida ijobiy yakunlashga qaratilgan".

Eslatib o'tamiz, Italiya terma jamoasi a'zosi uchun "Yuventus" da'vogarlik qilayotgan edi.