Ferran Torres «Barselona» — «Napoli» o'yinidan keyin yig'ladi (video)

«Barselona» hujumchisi Ferran Torres Evropa ligasining 1/16 final bosqichida bo'lib o'tgan «Napoli»ga qarshi bahsdan so'ng ko'z yoshlarini tiya olmadi.

Ispaniyalik futbolchi penaltidan unumli foydalandi, ammo o'yin davomida yuzaga kelgan 3ta juda qulay imkoniyatlarni ko'kka sovurdi. Torresni jamoadoshlari ovutishga harakat qilishdi. Hattoki, "Napoli" futbolchilari ham Ferranning yoniga kelib, unga dalda bo'lishga urinishdi.

Eslatib o'tamiz, uchrashuv 1:1 hisobi bilan yakunlandi. Javob bahsi esa 24 fevral kuni Neapolda bo'lib o'tadi.

Manba: championat.com