«Bunyodkor» futbol klubi 2021 yilda 37 mlrd so'm zarar ko'rdi

Toshkentning «Bunyodkor» futbol klubi 2021 yilda 37,01 mlrd so'm zarar ko'rdi. Bu haqda klub moliyaviy hisobotidan ma'lum bo'ldi.

«Bunyodkor» 2020 yilda 32,8 mlrd so'm, 2019 yilda esa 1 mlrd so'm zarar ko'rgandi.

Klub so'nggi marta yilni foyda bilan 2018 yilda yakunlagan edi. O'sha yili klub foydasi 779 ming so'm bo'lgan.

«FK Bunyodkor» MChJ 2005 yilda tashkil qilingan. Klub 100 foizga Davlat aktivlarini boshqarish agentligiga tegishli.

Avvalroq noyabr oyida «Bunyodkor» futbol klubi o'z xodimlariga 1,5 mlrd so'mdan ko'proq maoshlarni to'lab berishi kechiktirgani aniqlangandi.