«Atletiko» yangi murabbiy qidira boshladi

«Atletiko» bosh murabbiyi Diego Simeone iste'foga chiqarilishi mumkin.

"Cadena SER" tarqatgan xabarga ko'ra, klub rahbariyati Simeonening murabbiylik salohiyatiga shubha qilmaydi, ammo argentinalik mutaxassis va o'yinchilar o'rtasidagi munosabat buzilgan.

Madridliklar boshqa murabbiy bilan muzokara o'tkazishga ham ulgurishdi, bu holat esa Simeoneni asabiylashtirmoqda. Murabbiy jamoadagilarning ba'zilari uni qo'llab-quvvatlamayotganini his qilmoqda.

Bir necha nafar mutaxassislar o'z xizmatini «Atletiko»ga taklif etishdi. Jamoa ular bilan yozda muzokara boshlashi mumkin.

Simeone 2011 yilning dekabr oyidan buyon «Atletiko»ni boshqarib kelmoqda.