"PSJ" Di Mariya bilan shartnomani uzaytirish borasidagi muzokaralarni kechiktirdi

"Pari Sen-Jermen" klubi yarim himoyachi Anxel Di Mariya bilan shartnomani uzaytirish borasida muzokaralar olib bormoqda.

Biroq hozirda frantsuz klubi argentinalik futbolchi borasida yakuniy qarorga kelmagani bois muzokara jarayonini cho'zmoqda, deb yozadi "Goal".

Hozirda parijliklar bor e'tiborini Kilian Mbappe bilan yangi shartnoma imzolashga qaratgan. O'z navbatida, Di Mariya klubda yana bir mavsum qolishni rejalashtirgan.

33 yoshli argentinalik futbolchi joriy mavsumda parijliklar safida 19 o'yinda maydonga tushib, 3 ta gol va 5 ta golli uzatmani amalga oshirdi.