Xaver Tebas Mbappening La ligaga ko'chib o'tishini orzu qilmoqda
/ Kiritdi: BestMaster Ko'rilgan: 112
La liga prezidenti Xaver Tebas "PSJ" hujumchisi Kilian Mbappening "Real"ga o'tishi mumkinligi haqidagi xabarlarga o'z munosabatini bildirdi.
Eslatib o'tamiz, 23 yoshli futbolchining parijliklar bilan shartnomasi 2022 yilning yozida yakuniga etadi. U erkin agent sifatida "Qirollik klubi"ga o'tishi kutilmoqda.
"Shaxsan menda Mbappening transferi borasida hech qanday ma'lumot yo'q. O'z klubi bilan shartnomasi yakunlanishiga 6 oy vaqt qolganida futbolchi uni uzaytirgan holatlarga bir nechta guvoh bo'lganman. Ammo Kilian erkin agent sifatida La liga klubga o'tsa, bu chempionatimiz uchun eng yaxshi holat bo'lardi", - dedi Tebas.
Frantsiyalik futbolchi joriy mavsumda "PSJ" safida barcha musobaqalar doirasida 32ta o'yinda ishtirok etib, 22 gol va 13 assist muallifiga aylandi.
Bosh sahifaga
455