Anri: «Arsenal»da kuchli to'rtlikka kirish uchun barcha imkoniyatlar mavjud»

«Arsenal» sobiq hujumchisi Terri Anri Angliya premer-ligasining joriy mavsumida «kanonirlar»ning kelajagi haqida gapirdi.

Xabaringiz bor, «Arsenal» kuchli to'rtlik uchun shiddatli tarzda kurash olib bormoqda.

«Agar «Arsenal» kuchli to'rtlikka kira olmasa, bu muvaffaqiyatsizlik degani. Hozir «Arsenal» uchun eng yaxshi davr, ular dam olish kunlarida maydonga tushmayapti.

«Vest Xem» bundan foydalana olmadi, «Tottenxem» ham shunday. Oldinda hali ko'p o'yinlar bor va bunda barqarorlikni ko'rsatish juda muhim. «Arsenal»da kuchli to'rtlikka kirish uchun barcha imkoniyatlar mavjud», - deydi Anri.