"Barselona" himoya chizig'ini kuchaytirish uchun yana bir variant topdi

Italiyaning "Napoli" jamoasi himoyachisi Kalidu Kulibali faoliyatini Ispaniyada davom ettirishi mumkin, deya xabar berdi "Sport" nashri.

Ma'lumotlarga ko'ra, Kataloniyaning "Barselona" jamoasi yozda himoya chizig'ini kuchaytirish maqsadida amalga oshirmoqchi bo'lgan transferlar ro'yxatiga "Napoli" himoyachisini ham kiritdi.

30 yoshli Senegal terma jamoasi a'zosi va neapolliklar o'rtasidagi amaldagi shartnoma 2023 yilning iyun oyigacha tuzilgan. Kulibali ushbu mavsum A Seriyaning 15 o'yinida maydonga tushib, 2 ta gol va yana shuncha golli uzatmani amalga oshirdi.