Indzagi: «Liverpul» - ushbu bellashuvda favorit»

«Inter» bosh murabbiyi Simone Indzagi «Liverpul»ga qarshi Chempionlar ligasi 1/8 final birinchi uchrashuvi arafasidagi fikrlari bilan o'rtoqlashdi.

«Menimcha, »Liverpul" - favorit, ammo bu bosqich ikki o'yindan iborat. O'z o'yin uslubimizga sodiq qolishimiz kerak. Men futbolchilarimdan aql bilan o'ynashlarini talab qilaman, chunki bu hal qiluvchi bo'lishi mumkin. Biz g'alaba qozonish uchun qat'iymiz.

Biz «Liverpul»ning «Milan» bilan Chempionlar ligasidagi o'yinlarini ham, ichki chempionatdagi so'nggi o'yinlarini ham tomosha qildik. Bu jamoa tarkibida har bir pozitsiyada ajoyib futbolchilari va ajoyib murabbiyi bor. Agar pas berishda xatoga yo'l qo'ysangiz, ular darhol qarshi hujumga o'tadilar. «Liverpul»ning qanot himoyachilari aql bovar qilmaydigan darajada tezkor. Umuman olganda, bu raqib maydonning istalgan qismida muammo tug'dirishga qodir», - murabbiyning so'zlaridan iqtibos keltiradi UEFA rasmiy sayti.