Myuller: «Raqibning kuchini yaxshi tushunamiz»

«Bavariya» hujumchisi Tomas Myuller «Zaltsburg»ga qarshi EChL 1/8 final birinchi uchrashuvi arafasida o'z fikrlari bilan o'rtoqlashdi.

«Zaltsburg» so'nggi yillarda Chempionlar ligasida o'zini ko'rsatib kelmoqda. Ular uzoq vaqtdan beri Avstriya futbolida standartlar o'rnatib kelishmoqda. 1/8 finalga chiqish uchun ma'lum mahoratga ega bo'lish va uni bir necha uchrashuvlarda ko'rsatish kerak. Demak, raqibning kuchini yaxshi bilamiz. Albatta, maydonda o'z kuchimizni ko'rsatishimiz kerak. Mavsumning juda muhim bosqichi boshlanadi. Chempionlar ligasi biz uchun nihoyatda muhim turnir. Hamma Evropaning eng kuchli jamoalari bilan o'ynashni va eng yaxshilar qatorida bo'lishni xohlaydi», - Myullerning so'zlaridan iqtibos keltirmoqda UEFA rasmiy sayti.