De Xea: "Ketma-ket duranglardan keyin uch ochkoni qo'lga kiritish yoqimli"

«Manchester Yunayted» darvozaboni David De Xea APLning 18-turidan o'rin olgan «Brayton»ga (2:0) qarshi qoldirilgan o'yin haqidagi fikrlari bilan o'rtoqlashdi.

“Ketma-ket bir necha durangdan keyin 3 ochkoni qo'lga kiritish ajoyib. Biz juda xursandmiz. Biz «Brayton»ning to'p bilan yaxshi muomala qilishini, pressing uyushtirishda faol ekanini yaxshi bilardik. Fikrimcha, ular yaxshi jamoa.

Biz kuchli to'rtlikdan joy olishdan ko'ra, ko'proq narsa uchun kurashishimiz kerak, ammo hozir vaziyat shunday. Bu o'rin uchun ko'plab jamoalar kurashmoqda, biroq mahoratimizni hisobga olsak, ko'p ochko olishimiz kerak”, - deydi De Xea.