"Manchester Siti" Chempionlar ligasidagi 200-golini urdi

"Manchester Siti" birinchi o'yinda Lissabonning "Sporting" jamoasini mag'lub etib, o'z maydonidagi javob uchrashuvini rasmiyatchilikka aylantirdi. "Shaharliklar" tomonidan kiritilgan beshta goldan biri klub uchun Evropaning eng nufuzli klub turniridagi barcha o'yinlari davomidagi 200-gol bo'ldi.

"Manchester Siti" turnir tarixida shunday marraga erishgan o'n to'rtinchi klub bo'ldi. Buning uchun klub bor-yo'g'i 97 ta o'yin o'tkazdi va bu tarixdagi ikkinchi eng yaxshi ko'rsatkichdir.