Gvardiola "Sporting" ustidan qozonilgan g'alaba haqida gapirdi

"Manchester Siti" bosh murabbiyi Xosep Gvardiola "Sporting" ustidan qozonilgan g'alaba haqida fikr bildirdi.

"Ba'zi futbolchilar odatdagidan ko'ra ko'proq harakat qilishdi, biz to'p bilan unchalik yaxshi muomala qilmadik. Lekin. shu bilan birga men xotirjamlikni ham ko'rdim.

Bizning oramizda unchalik katta farq yo'q, umuman yo'q. "Sporting" yaxshi boshladi. Bu odatda 5:0 bo'ladigan o'yin emasdi.

Biz chorak final sari aql bovar qilmaydigan qadam tashladik. Biroq, bu faqat bitta o'yin. Ajoyib natija, lekin g'olibni bitta o'yin natijasi aniqlamaydi. Men juda xursandman, lekin biz bundan ham yaxshilanishimiz kerak", dedi Gvardiola BT Sport nashriga.