OFK delegatlari va O'FA tashkiliy qo'mita vakillari Qashqadaryo viloyatiga tashrif buyurishdi

Joriy yilning iyun oyida yurtimiz maydonlarida bo'lib o'tadigan U23 Osiyo kubogi o'yinlariga qizg'in tayyorgarlik ishlari davom etmoqda. Xususan, O'FA ishchi guruhi tomonidan o'yinlar va mashg'ulotlar bo'lib o'tadigan hududlar hamda u erdagi mavjud sharoitlar o'rganilib, OFK standartiga mos kelishini ta'minlash bo'yicha sa'y-harakatlar olib borilyapti. Ayni kunlarda Osiyo futbol konfederatsiyasi delegatsiyasi mamlakatimizda bo'lib turibdi. Bugun OFK delegatlari va O'FA tashkiliy qo'mita vakillari Qashqadaryo viloyatiga tashrif buyurishdi.

Kun tartibiga ko'ra, dastlab Qarshi shahridagi “Markaziy” stadioni, kiyim almashtirish xonalari, matbuot anjumani o'tkaziladigan zallar ko'zdan kechirildi. Shuningdek, jamoalar mashg'ulot o'tkazadigan “Geolog” va “Sputnik” maydonlari ham o'rganildi. Maydonlarning sifatiga alohida e'tibor qaratildi. Shuningdek, muxlislarga yaratilgan sharoitlar va qulayliklar ko'zdan kechirildi. Yirik turnirlarning muhim yo'nalishlaridan hisoblangan tibbiy tayyorgarlik, VAR uchun zarur bo'lgan sharoitlar hamda media zonalarning talabga javob berishi nazoratga olindi. Rejaga muvofiq, keyingi kunlarda OFK vakillari "Paxtakor" va "Lokomotiv" stadionlarini ko'zdan kechirishlari kutilmoqda.

Manba: Telegram.me/FAUzbekistan