Sud «Inter»ga rad javobini berdi

«Inter» Italiya A seriyasining 20-turi doirasida bo'lib o'tishi kerak bo'lgan «Bolonya»ga qarshi o'yinda raqibga texnik mag'lubiyat yozilishini istagandi. Ammo Italiya sport bo'yicha apellyatsiya sudi "neradzurri"ning murojaatini rad etdi. Bu haqda Italiya matbuot xabar tarqatdi.

Eslatib o'tamiz, «Bolonya» 6 yanvar kuni o'z maydonida «Inter»ni qabul qilishi kerak edi. Ammo jamoada koronavirus keng tarqalgani uchun «Bolonya» o'yinda ishtirok eta olmagandi. Boisi, Sinisha Mixaylovich shogirdlari karantinga yuborilgan edi.

«Bolonya» - «Inter» uchrashuvi yangi sanasi keyinroq e'lon qilinadi.