«Chelsi»ga bu yo'lda raqobatchi paydo bo'ldi

Londonning «Chelsi» klubi kelasi yozda «Sevilya» himoyachisi Jyul Kunde bilan shartnoma imzolashiga ishonmoqda.

Bu haqda Ispaniyaning Marca nashri xabar bermoqda. Eslatib o'tamiz, o'tgan yozda «ko'klar» Andalusiya jamoasi bilan shartnoma tuza olmagandi, chunki klub sport direktori Monchi 80 million evro miqdoridagi tovon pulini talab qilgandi.

Kunde xizmatlariga Evropaning boshqa klublari ham qiziqish bildirmoqda, jumladan, «Manchester Siti» ham. Qayd etilishicha, futbolchining o'zi «Chelsi»ga o'tmoqchi va «ko'klar» ustozi Tomas Tuxel bilan hamkorlik qilishdan manfaatdor.

Kunde joriy mavsum «Sevilya» safida La Liganing 19 o'yinida 1 ta golli uzatma muallifi bo'ldi.