O'FA rahbariyati va Turkiyannig maydon quradigan kompaniyasi o'rtasida uchrashuv bo'lib o'tdi

Xabaringiz bor, milliy terma jamoa bazasi va Respublika futbol mahorat maktabi uchun ikkita gibrid va ikkita sun'iy maydon qurish bo'yicha tender e'lon qilingan va unda Turkiyaning «HATKO» kompaniyasi g'olib chiqqan edi.

Kecha O'FA rahbariyati va «HATKO» bosh direktori Gushen Xatko o'rtasida uchrashuv bo'lib o'tdi. Unda loyihaga kiritilgan ob'ektlarning qurilish sifati va zamonaviy jihozlar bilan ta'minlanish masalasi muhokama qilindi.

Shuningdek, uchrashuvda maydonlar holati, ularni saqlash texnologiyalari, stadion infratuzilmasi yuzasidan fikr almashildi. Bu borada maydonlarni yaxshi holatda saqlash uchun kerakli texnikani harid qilish rejasi ilgari surildi. Bundan tashqari, mahalliy mutaxassislarning ham qurilish borasidagi fikr-mulohazalari tinglandi.

Ma'lumot uchun, «HATKO» yuqori sifatli maydonlar ishlab chiqarishga ixtisoslashgan kompaniya bo'lib, uning yillik ishlab chiqarish quvvati 6 mln kkv. metrni tashkil etadi.