Italiyalik jurnalistlar Mourinoning jahlini chiqarishdi

"Roma" bosh murabbiyi Joze Mourino Italiya chempionatining 25-turidan o'rin olgan "Sassuolo"ga (2:2) qarshi o'yindan so'ng italiyalik jurnalistlarni tanqid qildi.

"Men yangiliklarning kichik qismini yolg'on emas deb ayta olaman, qolgan hammasi beshinchi sinf jurnalistikasi. Bu axloqsiz jurnalistika, ular jurnalistikaning asl mohiyatini - haqiqatini bilmaydi. 

Bizni kuchsiz deb atashlari mumkin, ammo hech kim bizdan osonlikcha ochko ololmaydi. Ha, o'yin nuqtai nazaridan, bizda kamchilik bor. Ikkinchi o'tkazib yuborilgan gol boshqa ko'plab epizodlar kabi dahshatli vaziyat bo'ldi”, - deya Mourinoning so'zlarini keltiradi Football Italia.

Ma'lumot o'rnida, A seriyaning 25-turidan so'ng “Roma” 40 ochko jamg'arib, turnir jadvalida ettinchi o'rinda bormoqda.