Fabino: "Har bir o'yinda g'alaba qozonishimiz shart"

«Liverpul» yarim himoyachisi Fabino APLning 25-turida «Byornli» (1:0) darvozasiga kiritgan g'alaba to'pidan keyin «Manchester Siti»ga etib olish imkoniyatlari haqida gapirdi.

“Biz o'yindan o'yinga o'tishimiz kerak. Biz har uch kunda turli turnirlarda qatnashamiz. Hamma tayyor bo'lishi kerak. Bizda hech qanday jarohat yo'q, bu yaxshi albatta.

Biz har bir o'yinda g'alaba qozonishga harakat qilishimiz kerak, "Manchester Siti"ga qarshi bo'ladigan o'yingacha ularga yaqinlashib olishimiz kerak”, - dedi Fabino.

«Liverpul» 9 aprel kuni «Manchester Siti» bilan o'ynaydi. Ayni damda "mersisaydliklar" "shaharliklar"dan 9 ochkoga ortda qolishmoqda, ammo, "qizillar"ning bitta zaxira o'yini bor.