“MYu”ning asosiy transfer nishoni ma'lum

"Vest Xem" yarim himoyachisi Deklan Rays "Manchester Yunayted" qiziqishlari doirasida. Daily Mirror nashri xabariga ko'ra, u "Manchester Yunayted"ning yozdagi asosiy transfer maqsadi hisoblanadi.

Oldinroq London klubi 23 yoshli yarim himoyachini 120 million evroga sotishga tayyorligi haqida xabarlar tarqalgan edi.

Yarim himoyachining ingliz klubi bilan shartnomasi 2024 yilning 30 iyuniga qadar mo'ljallangan. Transfermarkt angliyalik futbolchining narxini 75 million evroga baholamoqda.

Rays joriy mavsumda “Vest Xem” safida 29 ta o'yinda maydonga tushib, 4 ta gol va 4 ta golli uzatmani amalga oshirdi.