Tilemans uchun APLning top klublari kurash boshladi

"Lester" yarim himoyachisi Yuri Tilemans jamoa tarafidan taklif qilingan yangi shartnomani rad qilgach, APLning bir qator grand klublari uni o'z safiga qo'shib olish uchun harakatni boshladi.

"The Athletic" nashrining ma'lumotiga ko'ra, Tilemansning agentlari allaqachon "Arsenal", "Liverpul" va "Manchester Yunayted"dan qiziqish borligini futbolchiga etkazishgan. U yaqin orada kelajagi borasida bir qarorga kelishi kutilmoqda.

Eslatib o'tamiz, 24 yoshli belgiyalik futbolchining "tulkilar" bilan amaldagi shartnomasi 2023 yilda yakuniga etadi. U joriy mavsum Angliya chempionatining 26 o'yinida maydonga tushib, 5 gol va 3 golli uzatmani amalga oshirdi.