Peres va Xelayfi uchrashuv belgiladi

Madridning “Real” klubi prezidenti Florentino Peres “PSJ” egasi Nosir Al-Xelayfi bilan birgalikda kechki ovqat tayinladi. Bu haqda ispan OAVlari xabar bermoqda. Manbaga ko'ra, katta ehtimol bilan ular Mbappe borasida gaplashib olishmoqchi.

Peres va Al-Xelayfi Chempionlar ligasi doirasidagi “PSJ” – “Real” uchrashuvidan oldin uchrashadi. Katta jamoa boshliqlari Parijdagi mashhur “Savoy” restoranida ovqatlanishadi.

E'tiborli tomoni, Peres va Al-Xelayfi bir yildan ortiq vaqt davomida bir-biri bilan aloqada bo'lmagan. Ular o'rtasida uzoq vaqtdan beri juda keskin munosabatlar bo'lib keladi.