Kanselu jamoadoshlarini maqtadi

«Manchester Siti» himoyachisi Joau Kanselu jamoadoshlari haqida yuqori fikrlarni bildirdi.

«Gyundogan ajoyib futbolchi. Menimcha, Fil Foden kelajakda «Oltin to'p»ni qo'lga kiritadi. Ularning barchasi jahon darajasidagi o'yinchilar, mening o'yin sifatimda ularning o'rni katta.

Ruben Diash kuchli xarakter, qat'iyatlilik, etakchilik fazilatlariga ega. U o'tgan mavsumda «Man Siti»ga qo'shildi va jamoada ikkinchi yil o'ynayotganiga qaramay, allaqachon jamoa sardorlaridan biriga aylandi.

Menimcha, bu maqtovga loyiq. Agar inson bunga loyiq bo'lsa, siz maqtashga haqlisiz», — deydi Kanselu.