«PSJ» Mbappega «Manchester Siti»dan o'rinbosar topdi

«PSJ» «Manchester Siti» vingeri Riyad Mahrezni o'z safiga qo'shib olishi mumkin. Bu haqda Britaniya matbuoti xabar bermoqda. Jazoirlik hujumchi yozda «Real»ga o'tishga yaqin turgan Kilian Mbappe o'rnini egallashi mumkin.

Transfermarkt 30 yoshli Mahrezni 40 million evroga baholamoqda. Jazoirlikning «shaharliklar» bilan amalagi shartnomasi 2023-yilning iyunida yakuniga etadi.

Mahrez joriy mavsumda 28 ta o'yinda maydonga tushib, 16 ta gol va 6 ta golli uzatmani amalga oshirdi.