Pekin-2022. Komiljon To'xtaev o'z natijasini yaxshiladi

Pekin-2022 qishki Olimpiya o'yinlarining to'qqizinchi kuniga kelib hamyurtimiz Komiljon To'xtaev musobaqadagi ishtirokini boshladi. Sportchimiz gigant-slalom dasturida startga 60-raqamda chiqdi.

Hamyurtimiz peshqadam Marko Odermatt (Shveytsariya)dan 9,84 soniya ortda qoldi. To'xtaev finishga yaqin qolganida xatoga yo'l qo'ydi va yiqilib tushdi. Shunga qaramay, u o'rnidan turdi va finishgacha etib kelishga muvaffaq bo'ldi. Natijada u 89 sportchi orasida 35-pog'onani band etdi. Komiljon yiqilib tushmaganida natijasi yaxshiroq bo'lardi (kuchli o'ttiztalikka kirardi).

Startga chiqqan sportchilarning 35 nafari finishgacha etib kelganini ta'kidlash lozim. Ular ikkinchi urinishda ishtirok etishmaydi.

Ma'lumot o'rnida. Komiljon To'xtaev 2018 yilgi qishki olimpiadada birinchi urinishda 60-o'rin, ikkinchi urinishda 58-o'rinni, ikki urinish bo'yicha esa 52-pog'onani band etgandi. O'shanda u peshqadamdan 18 soniya atrofida ortda qolgandi.