Insine Maradonani ortda qoldirdi

"Napoli"ning qanot vingeri Lorentso Insine A Seriya doirasidagi "Inter"ga qarshi o'yinda (1:1) penaltini golga aylantirdi.

30 yoshli italiyalik futbolchi neapolliklar safida barcha musobaqalarda 116-golini urdi va 115 golga ega Diego Maradonani ortda qoldirib, klub tarixidagi eng yaxshi to'purarlar orasida uchinchi o'ringa chiqib oldi.

Ma'lumot uchun, “Napoli" tarixidagi eng ko'p gol muallifi Dris Mertens hisoblanadi — 144 ta gol. Ikkinchi o'rinda Marek Gamshik — 121 ta gol.