"Atletiko" Simeone qo'l ostida La Ligada o'tkazib yuborilgan gollar bo'yicha antirekord o'rnatdi

Madridning “Atletiko” klubi Ispaniya La Ligasining 24-turidan o'rin olgan uchrashuvning birinchi bo'limida “Xetafe”dan 3 ta gol o'tkazib yubordi. Diego Simeone jamoasi joriy mavsumda 33 ta to'p o'tkazib yubordi. Bu argentinalik mutaxassis bilan jamoaning La Ligadagi antirekordi. Bu haqda Squawka Tvitterda xabar berdi.

51 yoshli Simeone jamoani 2011 yilning dekabridan beri boshqarib kelmoqda. Uning "Atletiko" bilan amaldagi shartnomasi 2024 yilning yozida yakuniga etadi. 23-turdan keyin 37 ochko jamg'argan Madrid klubi ayni damda turnir jadvalida “Barselona”dan bir ochko ortda qolib, beshinchi o'rinda bormoqda.