Suaresning ajoyib seriyasi to'xtadi

"Atletiko Madrid" Ispaniya La Ligasining 24-turi doirasida o'z uyida "Xetafe"ga qarshi maydoniga tushdi.

Uchrashuv boshida mezbonlar hujumchisi Luis Suares 11 metrlik jarima zarbasini tepish imkoniyatiga ega bo'lgandi, futbolchi bu imkoniyatdan foydalana olmadi.

Shu tariqa urugvaylik futbolchining uzoq muddatli seriyasi to'xtadi. Ya'ni Luis ketma-ket 22 marta penaltini aniq amalga oshirib kelayotgan edi. Biroq bugan “Xetafe”ga qarshi bahsda buni amalga oshira olmadi. U oxirgi marta 2016-yilning 16-noyabrida Urugvay va Chili o'rtasidagi o'yinda 11 metrlik jarima zarbasidan gol ura olmagan edi.