Tiago Silva bunga loyiq ko'rilgan ikkinchi futbolchi

Abu-Dabida klublar o'rtasidagi jahon chempionatining “Chelsi” – “Palmeyras” o'rtasidagi final uchrashuvi bo'lib o'tdi. Uchrashuv qo'shimcha bo'limlarda London klubining g'alabasi bilan yakunlandi – 2:1.

“Chelsi” himoyachisi Tiago Silva turnirning eng yaxshi futbolchisi deb topildi. 37 yoshli braziliyalik tarixda klublar o'rtasidagi jahon chempionatining eng yaxshi futbolchisi deb topilgan ikkinchi himoyachi bo'ldi. Bungacha faqat 2014 yilda “Real” safida to'p tepgan Serxio Ramosgina buni uddalagandi.