“Chig'atoy” bazasida terma jamoalar faoliyatiga bag'ishlangan yig'ilish o'tkazildi
/ Kiritdi: BestMaster Ko'rilgan: 65
Hozirgi kunda O'zbekiston futbol assotsiatsiyasi qoshida 13 terma jamoa faoliyat olib boradi. Ana shu jamoalarning murabbiylar shtabini shakllantirish, ularning ish faoliyatini to'g'ri va samarali tashkil etish, natijalarni tahlil etib borish muhim ahamiyat kasb etadi. Toshkent shahridagi “Futbol bo'yicha Respublika oliy sport mahorat o'quv-mashg'ulot bazasi”da O'FA birinchi vitse-prezidenti Ravshan Ermatov va assotsiatsiya bo'linma rahbarlari, Turizm va sport vazirligi mas'ullari, “Chig'atoy” bazasi vakillari ishtirokida ana shu mavzuga bag'ishlangan yig'ilish o'tkazildi.
Unda jamoalarimizdagi mutaxassislarning keyingi faoliyatida ishni to'g'ri va tizimli ravishda yo'lga qo'yish, murabbiylar ishini monitoring qilishni kuchaytirish masalalari muhokama etildi. Bu borada 13 ta terma jamoa murabbiylar shtabining aksariyati “Futbol bo'yicha Respublika oliy sport mahorat o'quv-mashg'ulot bazasi”da doimiy tarzda nazoratida bo'lishi zarurligi ta'kidlandi.
Manba: Telegram.me/FAUzbekistan