"Borussiya D" Karim bilan besh yillik shartnoma imzolaydigan bo'ldi

Dortmundning “Borussiya” klubi “Zaltsburg” hujumchisi Karim Adeyemi bilan 5 yillik shartnoma imzolaydi.

Jurnalist Fabritsio Romanoning so'zlariga ko'ra, hozircha kelishuvning barcha tafsilotlar hal qilinmagan, ammo nemis klubi 19 yoshli futbolchini qo'lga kiritish ustida ishlamoqda.

Oldinroq Dortmundning "Borussiya" klubi Adeyemi transferi uchun Avstriya klubiga 35 million evro to'lashi xabar qilingandi.

Hujumchining “Zaltsburg” bilan shartnomasi 2024 yilning yozida yakuniga etadi. "Transfermarkt.ru" portali futbolchining narxini 20 million evroga baholamoqda.

2021/22 yilgi mavsumda Adeyemi Avstriya klubi safida barcha musobaqalarda 29 ta o'yin o'tkazib, 18 ta gol urgan.