Maurisio Pochettino «PSJ» muxlislarining norozilik aktsiyasiga o'z munosabatini bildirdi

«Pari Sen-Jermen» muxlislar fan-klubi Frantsiya chempionatining 24-turi doirasida «Renn»ga qarshi bo'lib o'tgan o'yinda klubga nisbatan norozilik aktsiyasini o'tkazishdi. Parijliklar bosh murabbiyi Maurisio Pochettino bunga o'z munosabatini bildirib o'tdi.

«Muhim pallada barchani yakdillikka chorlayman. Biz bugun klubga mos harakat qilishimiz kerak. Birlashgan holda klub sha'ni uchun kurashishimiz shart. Jamoada yanada kuchayishi va jahonning eng yaxshi jamoalaridan biri bo'lib qolishi uchun mavsum so'ngida xulosa qilamiz», — dedi Pochettino.