Diego Forlan futbolchilik faoliyatini qayta tikladi

“Vilyarreal”, “Atletiko” va “Manchester Yunayted” klublarining sobiq hujumchisi, JCh-2010 yulduzi Diego Forlan 42 yoshida katta futbolga qaytishga qaror qildi.

Forlan so'nggi yillarda Braziliya, Yaponiya, Hindiston va Gonkongda o'ynaganidan keyin to'rt yil oldin butsalarini mixga ilganini e'lon qilgandi.

Diego o'tgan yili o'z vatani Urugvayda murabbiylik qilishga urinib ko'rdi, ammo endi bu g'oyadan voz kechib, Urugvay Universitet Ligasi vakili "Old Boyz" uchun o'ynashga qaror qildi, deya xabar beradi klub rasmiy tvitter sahifasi.

Forlan 2010 yilgi jahon chempionatining eng yaxshi to'purariga aylangandi va bir yildan so'ng Urugvay terma jamoasi bilan Amerika kubogida g'alaba qozongandi.