La Liga "Barselona"ga rad javob berdi

"Barselona"ning ikkita o'yinga diskvalifikatsiya qilingan Dani Alveshning qizil kartochkasi borasida apellyatsiyasiga La Liga rad javob berdi.

COPE nashrining tarqatgan ma'lumotiga qaraganda, La Liga rahbariyati "Barselona"ning ikkita o'yinga chetlashtirilgan Dani Alveshni qizil kartochka borasidagi apellyatsiyasini qanoatlantirishdan bosh tortdi.

Eslatib o'tamiz, braziliyalik himoyachi La Liganing 23-tur doirasida "Atletiko" klubiga qarshi o'yinda Karraskoning ortidan tepgani uchun qizil kartochkaga loyiq ko'rilgandi.

"Ko'k-anorranglilar" ushbu diskvalifikatsiyani bitta o'yinga kamaytirishga harakat qilgandi, lekin ularning keltirgan faktlari inobatga olinmadi. Bu esa Alveshni "Espanol" va "Valensiya" jamoalari qarshi o'yinlarda maydonga tushmasligini anglatadi.