"MYu" "Nyukasl" bilan muzokara olib bormayapti

Angliyaning «Manchester Yunayted» klubi «Nyukasl» bilan Din Xendersonni Martin Dubravkaga almashtirish borasida muzokara olib bormayapti.

Eslatib o'tamiz, Xenderson qishki transfer bozorida «Nyukasl» jamoasiga ko'chib o'tishi haqida xabarlar tarqalgandi.

Italiyalik jurnalist Fabritsio Romanoning tarqatgan ma'lumotiga qaraganda, har ikki klub o'zaro darvozabon almashtirish borasida hech qanday muzokara olib bormayapti. Qolaversa, «Nyukasl» bosh murabbiyi Eddi Xau ham buni matbuot anjumanida tasdiqladi.