Anchelotti: "Benzema borasida dushanba kuni qaror qabul qilamiz"

Madridning "Real" klubi bosh murabbiyi Karlo Anchelotti La Liga doirasida "Vilyarreal"ga qarshi bo'lib o'tadigan o'yindan oldingi fikrlari bilan o'rtoqlashdi.

"Vilyarreal" juda yaxshi harakat qilmoqda. Bu qiyin o'yin bo'ladi. Benzema? Biz uni umumiy guruh mashg'ulotlariga qaytishini kutmoqdamiz. Yakuniy qaror qabul qilish uchun dushanbagacha kutishimiz kerak. Biz Benzemaning sog'lig'i haqida o'ylayapmiz. Agar xavf tug'ilsa, biz uni "PSJ"ga qarshi o'yinga tushirmaymiz. Luka Yovich o'zini ancha yaxshi his qilmoqda va katta ehtimol bilan ertaga o'ynaydi. Mendi ertaga tarkibda bo'lmaydi, lekin u "PSJ"ga qarshi o'yinga albatta tayyor bo'ladi. Ertangi o'yinda g'alaba qozonish uchun eng kuchli tarkibdan foydalanayapman" - dedi Anchelotti.