De Xea eng ko'p seyv amalga oshirgani haqida: «Himoya chizig'i bizning ojiz nuqtamiz...»

Angliyaning "Manchester Yunayted" klubi darvozaboni David de Xea jamoaning APLdagi o'yini hamda bosh murabbiy haqida fikr bildirdi.

"Seyvlar bo'yicha Premer-ligada peshqadam bo'lishim? Bu yaxshimi yoki yo'q, bilmayman. Lekin bizga qarshi o'yinlarda raqiblar osonlik bilan ko'plab vaziyatlar yaratishadi. Men, albatta, gol o'tkazib yubormaslik hamda jamoaga imkon qadar yordam berish maqsadida yaxshiroq o'ynashga harakat qilaman. Lekin baribir himoya chizig'i bizning ojiz nuqtamiz.

Rangnik? U bizdan intensiv harakat qilishimizni, doimo pressingda o'ynab, faol bo'lishimizni xohlaydi. Imkon qadar to'pni oldingi chiziqlarda ushlab turishimiz lozim, chunki himoyalanishda juda qiynalamiz", – deydi De Xea.

Ma'lumot uchun, De Xea joriy mavsumda "MYu" safida 23 ta o'yinda ishtirok etib, ularda jami 86 ta seyv amalga oshirgan. Bu APL bo'yicha birinchi raqamli ko'rsatkich hisoblanadi.