Depay "Barselona"dan ketishga tayyor

O'tgan yozda "Lion"dan erkin agent maqomida "Barselona" safiga kelib qo'shilgan Memfis Depay klubni tark etishga hozirlik ko'rmoqda.

Ma'lumotlarga ko'ra, Memfis yanvar oyida kataloniyaliklar jamoasiga o'tgan Ferran Torres, Adama Traore va Per-Emerik Obameyangdan so'ng asosiy tarkibdan joy olish qiyin bo'lishini tushunib etdi. Shu sababli, niderlandiyalik forvard navbatdagi transfer oynasida jamoani tark etmoqchi.

Joriy mavsum 27 yoshli futbolchi La Liganing 18 o'yinida maydonga tushib, 8 gol va 2 golli uzatmani amalga oshirdi.