Asensio "Real"ning chempionatdagi asosiy raqibi kimligini aytdi

“Real” futbolchisi Marko Asensio madridliklarga La Ligadagi asosiy raqobatchi kim ekanligini aytdi.

“La Ligadagi asosiy raqobatchimiz — "Sevilya", ular hammadan ko'ra yaqinroq. Raqiblardan yanada o'zib ketishga harakat qilamiz. "Barselona" ham yaxshi natijalar ko'rsatyapti, ular kuchli futbolchilarni o'z safiga qo'shib oldi.

Biz unutmasligimiz kerak bo'lgan ikki jamoa bor — "Barselona" va "Atletiko". Ular raqobatbardosh klublar, ularga qarshi o'ynash qiyinchilik tug'diradi. Lekin biz boshqalardan ko'ra yaxshiroq o'ynashga harakat qilamiz", - dedi ispaniyalik hujumchi.