"Liverpul" futbolchisi Luis Diasning otasi o'g'lining transferi haqida gapirdi

"Liverpul" futbolchisi Luis Diasning otasi Luis Manuel Dias o'g'lining transferi haqida fikr bildirdi. U o'z intervyusida shunday deydi:

"Luis "Tottenxem"ga o'tishga yaqin edi. Unga "Roma" ham qiziqish bildirgan. Ammo ular bu borada ikkilanishdi. Bu esa "Liverpul"ga transfer uchun yo'l ochib berdi. Ular raqiblariga qaraganda tezroq harakat qilishdi. Ha, Luisga mos tushishi mumkin bo'lgan klublar ko'p edi. Ammo o'g'lim menga "Liverpul"da o'ynashni istashini aytdi. Men esa uni qo'llab-quvvatladim".

Dastlab, "Tottenxem" Luis Dias uchun 55 million evro taklif qilgandi. Biroq "Liverpul" uni 45 million hamda qo'shimcha 15 million bonusga sotib oldi.

Manba: bbc.com